Makna Dibalik Kisah Jampok Aceh

0
Source: misterifaktadanfenomena.com

Jampok merupakan salah satu nama burung yang dalam bahasa nasional dikenal dengan sebutan Burung Hantu.  Dalam kisah literatur bahasa Aceh, jampok merupakan sebuah istilah yang dilekatkan kepada makna yang negatif (tidak baik). Menurut sejarah, pendapat ini bermula dari kisah Nabi Sulaiman saat menggelar acara pemilihan pemimpin di negeri burung. Pada kesempatan itu ibu dari Burung Jampok menunjuk anaknya sendiri sebagai kandidat raja. Banyak hikmah dan manfaat dibalik cerita zaman yang satu ini, salah satunya adalah bagaimana memilih pemimpin sesuai dengan keahlian dan kemampuannya. Berikut kutipan lengkapnya.

 

Deungo lon kisah khabaran jameun

Masa keurajeun Nabi mulia

Masa keurajeun Nabi Sulaiman

Yang mat hukuman ban sigom donya

 

Nibak Siuroe Nabi Jak Meu en

Ka dengon angen sajan seureta

Ka Nabi neuduk ateuh kursi

Angen bapoet lee ban siklep mata

 

'Oh ban saree troh bak saboeh tempat

Geumusyawarah geu beuk boeh raja

Nabi neutanyong bak mandum ciceem

Toeh saree kateem lon bouh keu raja

 

Seuot po Jampok Hai Tuanku Ampon

Nyoe pat sigam lon neuboh keuraja

Seubab Sigam long rupa that ceudah

Lagi ngen hebat meubulee mata

 

Mata jih bulat babah meukuweit

Cukop meusaheet sigam keuraja

Nabi Sulaiman masa nyan meuseuheh neukhem

Dum cicem laen surak meubura

 

Teuma jiseuot Burong Keutok-tok

Meuhanjeut Jampok bah lon keu raja

Seubab di ulon nyoe na meupiyasan

Long peh canang prang oh malam jula

 

Lheuh nyan jiseuout Tok-tok Beuragoe

Hana meusoe-soe taboh keu Raja

Seudangkan di lon kupiah Beusoe

Hantom siuroe lakee keu Raja.

 

Teuma jiseuout Beurujuk Balee

 

Han kuteem banlee Jampok keu raja

Hana meusoe-soe ka tajak lakee

Golom meuteuntee tajak peutaba

 

Saweub digobnyan leuthat piyasan

Geupeeh ngen geundrang oh malam jula

Ngon Ciceem Got-got Geumeu en Geudrang

Leupah that garang karu ngen subra

 

Laju jiseuout si ciceem Enggang

Leupah that garang meunyoe jih keu Raja

Ampon Tuanku Saidil Ambiya

Galak lon raya gob nyan keu raja

 

Ciceem kakirouh nyang na di sinan

Nabi Sulaiman teukheem lagoina

Apa Jampok yoh nyan kamalee muka

kaleupah haba nariet jipuga

 

Di cicem Pala jigroep-groep lamboeng

 

di Cicem Buroeng surak meubura

 

Beurujuek Balee surak di sampeng

 

Cicem keureuleng sama-sama

 

Leumpah that malee ji apa Jampok

 

Teuduk meuseupok beu blek-blek mata

 

Malee ji that-that ka deungon rakan

 

Hana meu'oh ban cukop that gura

 

Teuma jidamee uleh Keudidi

Si Rajawali tabouh keu raja

Cicem Dama Peudana Meuntri

Beurujuk Campli Keupala Teuntra

 

Leuk Bangguna taboh keu Meuntri

Keupala negeri nyoe Ciceem Dama

Kleung Puteeh Ulee jeut Polisi

Si Mirah pati jeut keu wedana

 

Keu Peuneurangan po ciceem Tioeng

Nyang mat hukom Po ciceem Pala

Tok-Tok Beuragoe geuchiek gampong

Ciceem Keucuboeng keu ureung Ronda

 

Di cicem Tuloe jeut keu Peunerangan

Cicem Rajangan boeh keu Panglima

Di cicem Bubruk taboeh mak Bidan

Seubab gobnyan geukuwa-kuwa

 

Semoga hikayat "Aneuk Jampok" dapat menjadi pelajaran dalam hidup kita.